Friday, January 16, 2009

စက္ကူငှက်လေး



လေပြည်အ၀င့်မှာ ကြွေလွင့်လာလို့ 
ပေရှပြီး မြေမခရအောင်
မြတ်နိုးခြင်းလက်အစုံနဲ့ 
ရင်အုံမှာ ပွေ.ပိုက်မိပါရဲ့
နတ်ဆိုးတွေရဲ့ ကြိမ်စာတစ်ပိုဒ်တဲ့
မိုးတွေပြိုလို့ အမှောင်ဖုံး
ငါ့ကမ္ဘာတစ်ခုလုံး ထစ်ချုန်းနေတော့တယ်။
(ဇင်ယော်)

အဲဒီနေ့ ပေါ့
ဦးတည်ရာမဲ့ ခြေလှမ်းတွေရဲ့ သယ်ဆောင်ရာနောက်ကို တစိုက်မတ်မတ်လိုက်လျှောက်နေမိတာ။ သူ့ ကိုယ်သူ ကြိုးစားပြီး အားပေး နေမိတယ်။ မုန်တိုင်းလွန်ရင် လေပြည်လာဦးမှာပါလို့ ။ ဒါပေမယ့် ခြောက်သွေ.ကြမ်းတမ်းတဲ့ ကန္တာရကို ဖြတ်တိုက်လာတဲ့လေပြည်က ပူလောင်ပြင်းရှနေဦးမှာလား အတွေးတစ်စက ဆက်ပြီး အဖြေမထုတ်နိုင်တဲ့ ပုစ္ဆာတစ်ပုဒ်အဖြစ် ကျန်ရစ်ခဲ့သလိုပဲ။ အဆုံးအရှုံးတွေ များလွန်းလှတဲ့ အခိုက်အတန့်  ကာလလေးမှာ ဒူးထောက်လုနီးပါး သူကျဆုံးနေခဲ့မိတယ်လေ။ ပတ်ဝန်းကျင်မှာရှိသမျှ အရာရာ ဘာကိုမှ သတိမထားမိနိုင်လောက်အောင်ကို ရက်ရက်စက်စက် သွေးပျက်နေခဲ့တာပါလား။

အဲဒီနေ့ ပေါ့
အချိန်ဆိုတဲ့ ဝေါဟာရကို သတိထားလိုက်မိတော့ နေ့ တစ်နေ့ ရဲ့ ညနေဆည်းဆာက တဖြည်းဖြည်းနဲ့  အမှောင်ယံမှာ တိုးဝင်ပျောက်ကွယ် နှုတ်ဆက်နေပြီလေ။ မာကြူရီမီးလုံးတွေကတော့ ကတ္တရာလမ်းမပေါ်ကို အလင်းရည်တွေ အုပ်မိုးလို့  သွန်ချနေလေရဲ့။ လမ်းပေါ်က လူတွေရဲ့အိမ်အပြန်က သူ့ အတွက် ချိုမြိန်တဲ့ တေးတစ်ပုဒ်မဟုတ်တာကတော့ သေချာတယ်။ သူ့ ရဲ့ကောင်းကင်မှာတော့ ကြယ်တွေက တစ်စင်းပြီးတစ်စင်း အလုအယက် ခုန်ဆင်းပြီးကြွေနေလိုက်ကြတာ မှုန်ပြပြအလင်းတစ်စတောင် ကျန်ပါဦးမလား။

အဲဒီနေ့ ပေါ့
ရင်ဘတ်ထဲက ပေါက်ကွဲလုနီးပါး မီးတောင်ရှင်တစ်ခုအနီးကနေ သူကြောက်လန့် တကြားနဲ့  ပြေးထွက်ဖို့  ကြိုးစားနေခဲ့မိတယ်။ ဘ၀မှာ အရှုံးတွေ မကြာခဏ ကြုံဆုံဖူးပါရဲ့ ဒါပေမယ့် အောင်မြင်မှုကို ဆာလောင်နေတဲ့ မျှော်လင့်ခြင်းကို အိမ်မက်လုပ်ပြီး ခေါင်းအုံးအိပ်ခဲ့ရတဲ့သူ့ အတွက် ဒီတစ်ခါ အရှုံးကတော့ ခါးသီးလွန်းလိုက်တာ။ ခုလိုအချိန်မျိုးမှာ တကယ်လို့ သာ ............................................. သူ တစ်စုံတစ်ရာပေါင်းများစွာကို ပြင်းပြင်းပျပျ သတိရလာမိတယ်။ ခံစားချက်တွေ မျှဝေနားထောင်ပေးနေကြ နားတစ်စုံရယ်၊ အဆင်မပြေမှုတွေကြားမှာ ကူညီဖေးမပေးခဲ့တဲ့ နွေးထွေးတဲ့လက်အစုံရယ်၊ အားပေးစကားတွေ စီးမြောလာတတ်တဲ့ နှုတ်ခမ်းတစ်စုံရယ်၊ ဘ၀အမောတွေကို ခဏတာပြေပျောက်စေတဲ့ အပြုံးချိုချိုလေးရယ် ။ သူ တစ်ချက်ရယ်လိုက်မိတယ် ဝေးကွာခြင်းမြစ်ရဲ့ တစ်ဘက်ကမ်းကို မမြင်မစမ်းနဲ့  မျှော်မှန်းပြီး လှမ်းငေးမိတဲ့ သူ့ ကိုယ်သူပေါ့ ကိုယ့်ရီသံကိုယ်ပြန်ကြားမိတာတောင် လှောင်ရီသံလိုလို ထင်လို့ နေမိတယ်လေ။

အဲဒီနေ့ ပေါ့
ဘယ်နေရာရောက်ရောက် လမ်းပျောက်နေသူအဖို့ တော့ ခရီးအဆုံးဆိုတာ ဝေးလွန်းလှတဲ့ မှတ်တိုင်တစ်ခုပါပဲ။ မသိစိတ်ရဲ့ စေစားရာအောက် လျှောက်ပြီးရင်းလျှောက်လာခဲ့မိတာ သတိရလို့  သေသေချာချာ ကြည့်လိုက်မိတော့ ပတ်ဝန်းကျင်က ကိုယ်နဲ့  မစိမ်းလွန်းလှသလိုပဲ။ တစ်စုံတစ်ရာရဲ့ ညှို.ငင်မှုအောက်မှာ သူတစ်လှမ်းချင်းသွားနေမိတယ်လေ။ ခြေလှမ်းတွေရဲ့ ဦးတည်ရာကို လှမ်းငေးကြည့်မိတယ် ။ တကယ်တော့ သူမအံ့သြမိပါဘူး ပန်းခြံထဲက မြက်ခင်းစိမ်းစိမ်းဘေးမှာ အေးအေးချမ်းချမ်း လဲလျောင်းနေတဲ့ ခုံတန်းလေးတစ်ခု ရှင်းရှင်းပြောရရင် တစ်ခါက ပျော်ရွှင်ခြင်းစမ်းချောင်းလေး မြစ်ဖျားခံ စီးဆင်းတဲ့နေရာလေးလို့  နံမည်တပ်ခဲ့ဖူးတဲ့ သူတိတ်ဆိတ်ငြိမ်သက်စွာ အနားယူတတ်တဲ့ ခုံတန်းလေးတစ်ခုရှိတဲ့နေရာကိုပေါ့။

အဲဒီနေ့ ပေါ့
မထင်မှတ်ထားတဲ့ နေရာမှာ မထင်မှတ်တဲ့ အရာတစ်ခုကို တွေ.မြင်လိုက်ရတဲ့ တဒင်္ဂလေးက သူ့ စိတ်အစဉ်ကို အထိန်းအကွပ်မဲ့စွာ တုန်လှုပ်သွားအောင် စွမ်းဆောင်နိုင်မယ်လို့  လုံးဝမမျှော်လင့်ခဲ့ပါဘူး။ ဒါပေမယ့် သူ့ ရင်ထဲမှာတော့ မှန်မှန်နဲ့ မြန်မြန် တီးခတ်လိုက်တဲ့ယဇ်ပူဇော်ပွဲက ဗုံသံတွေလိုပဲ ရင်ခုန်သံတွေက ဆူညံလို့ နေလေရဲ့။ ခုံတန်းလေးပေါ်မှာ ...................... စက္ကူငှက်လေးတစ်ကောင် ....... တိတိကျကျပြောရရင် စိတ်ရှည်လက်ရှည်နဲ့ သေသေချာချာ ခေါက်ချိုးပြီးပြုလုပ်ထားတဲ့ ပိုင်ရှင်မဲ့နေတဲ့ ......... ဒီကမ္ဘာပေါ်မှာ သူနောက်ဆုံးထွက်သက်အထိ မှတ်မိနေဦးမယ့် စက္ကူငှက်လေးတစ်ကောင် ။ သူအသာလေး ကောက်ယူလိုက်ရင်းက သက်ပြင်းတစ်ချက် မသိမသာ ချလိုက်မိတယ်။

အတိတ်ရထားတစ်စင်းက ဥသြသံရှည်ခပ်ပြင်းပြင်းဆွဲပြီး သူ့ အနားကနေ ဘယ်ကိုမှန်းမသိနိုင်တဲ့တစ်နေရာကို ပြေးထွက်သွားလေရဲ့။ ဟိုးအဝေးဆီကနေ စကားသံတချို. လွင့်မြောလို့  လာနေသလိုလိုပဲ သူ့ အာရုံထဲမှာ မပီပြင်ဝိုးတ၀ါးနဲ့  ပုံရိပ်တချို.က ရုပ်ရှင်ပြနေသလို အစီအရီ ပေါ်လာတယ်လေ။ " ဟိုးအပြောကျယ်တဲ့ မိုးကောင်းကင်ပေါ်က ငှက်လေးတွေကို အားကျမိတယ် အတိုင်းမဆမရှိတဲ့ လွတ်လပ်ခြင်းတွေနဲ့  ပျံဝဲ နေလိုက်ကြတာ ဘယ်လောက် ပေါ့ပါးငြိမ်းချမ်းလိုက်မလဲနော် သူတို့ စိတ်ထဲမှာရှိသလောက် ဟိုးကောင်းကင်ထက်ကို မြင့်နိုင်သလောက် မြင့်မြင့် ပျံဝဲချင်တိုင်းပျံလို့ ရသလို နားခိုဖို့  နေရာတွေကလည်း ဒီကမ္ဘာမြေပြင်ပေါ်မှာ အများသားနော်။ ပျံသန်းခြင်းနဲ့ ကောင်းကင်ယံဆိုတာ သူတို့ တွေအတွက် ဘုရားပေးတဲ့ ဆုတစ်ခုလိုပဲ။ သူတို့ လေးတွေလိုပဲ လွတ်လပ်ပေါ့ပါး ပျော်ရွှင်စရာကောင်းတဲ့ ဘ၀လေးကို ပိုင်ဆိုင်ခွင့်ရချင်လိုက်တာ " စက္ကူငှက်လေးတစ်ကောင်ကို စိတ်ပါလက်ပါ ခေါက်ချိုးရင်း ပြောနေတဲ့ သူမရဲ့ ပုံရိပ်တချို.က အတွေးအာရုံထဲကို တံခါးမခေါက်ပဲ ၀င်လာကြလေရဲ့။ ............... နောက်ပြီး ............. နောက်ပြီး ............. သူမနဲ့  ဆက်စပ်ပတ်သက်သမျှ အရာတွေအားလုံးက သူ့ ရဲ့အသိဥာဏ်တွေကို
လုံး၀၀ါးမြိုသွားခဲ့တာပါ။

အတိတ်ပြတင်းတစ်ချပ်ကို
တခဏချင်းလှပ်ပြီး
ကြည့်မိကြတယ်
ဒဏ်ရာတွေနဲ့ ကြေမွလို့ 
မြေခနေတဲ့ အုတ်ပုံတစ်ခုလား
တသသဆန်းပြားလို့ 
လှပခမ်းနားခဲ့တဲ့ နန်းတော်ရာတစ်ခုလေပဲလား
မြင်ရတဲ့ မြင်ကွင်း
ထင်လင်းပြီး ကွဲပြားနေလိမ့်မယ်
သေချာစွာနဲ့  အဖြေရှာကြည့်တော့
အချိန်တွေမတူသလို ကြည့်မိတဲ့ angle တွေက တူမှမတူခဲ့ကြတာကိုး။

သူသတိထားလိုက်မိတော့ ညနက်သန်းကောင်တောင် ရောက်တော့မယ်လေ။ ဟောင်းနွမ်းနေတဲ့နေ့ တစ်နေ့  ကို ထားရစ်လို့  လောကကြီးက နေ့ သစ်တစ်နေ့ ကို ကြိုဆိုဖို့ ပြင်ဆင်နေပါပြီ။ သူ့ ကိုယ်တိုင်ကတော့ လည်ပြန်အကြည့်တစ်ချက်အောက်မှာ အသိသက်သက် ပါသွားခဲ့တာပါ။ နောက်နေ့ သစ်တစ်ခုကို အဓိပ္ပါယ်ရှိရှိရင်ဆိုင်ဖြတ်ကျော်နိုင်ဖို့  ခွန်အားသစ်တွေ ပြန်လည်မွေးဖွားဖို့  သူလည်းအိမ်ပြန်သင့်ပြီလေ။ စက္ကူငှက်လေးကို ခုံတန်းလေးပေါ် အသာအယာ ပြန်ချလို့  နှလုံးသားထဲက အလင်းတိုင်လေးကို သူကိုယ်တိုင်မီးညှိပြီးဆုတောင်းပေးလိုက်ပါတယ်။ စက္ကူငှက်လေးနဲ့  သူရဲ့ ဖန်ဆင်းရှင်တစ်ယောက်အတွက်ပါ။ ဟိုးကောင်းကင်ယံအမြင့်က ငှက်လေးတွေလိုပဲ လွတ်လပ်ပေါ့ပါး ပျော်ရွှင်စရာ ကောင်းတဲ့ ဘ၀လေးတွေကို ပိုင်ဆိုင်နိုင်ပါစေ နောက်ပြီး သူတို့ လိုပဲ ညအခါကာလ အေးမြတဲ့လရောင်အောက်မှာ ငြိမ်းချမ်းစွာနဲ့  အိပ်စက်နိုင်ပါစေ နံနက်ခင်းရဲ့ နွေးထွေးတဲ့ နေရောင်ခြည်နဲ့ အတူ နေ့ သစ်တစ်နေ့ ကို ပျော်ရွှင်စွာနဲ့  နှုတ်ခွန်းဆက်လို့  ရွှင်လန်းစွာ နိုးထနိုင်ပါစေလို့  ......။ ။ ။

Friday, January 2, 2009

နောက်ဆုံး













တချို.ကပြောကြတယ်
ဘ၀ဆိုတာ တိုက်ပွဲတဲ့။
အသေအကြေ တိုက်နေရတာ
နှစ်သစ်ဆိုတဲ့ နယ်နိမိတ်ထဲတောင် ခြေကျွံလာခဲ့ပြီ။
ကျဆုံးစာရင်း ပြန်ဖွင့်ကြည့်တော့
အတိတ်လွင်ပြင်ထဲမှာ
မှတ်တိုင်တွေ ပြည့်လို့ နေလေရဲ့။
ပြိုကျလုဆဲ ရင်ဘတ်ထဲက ဆေးရုံလေးမှာ
ဆေးဆိုတာ နတ္တိ
ဒဏ်ရာရနေတဲ့ သင်ခန်းစာတွေအတွက်
ဂွမ်းနဲ့ ပတ်တီးတောင် မကျန်တော့ဘူး။
မထင်မှတ်တဲ့ ချုံခိုတိုက်ပွဲ
အလဲအကွဲနဲ့ ပြန်ကျလာတာ
ငါ့တပ်တွေပါလား။
ယဲ့ယဲ့ပဲကျန်တော့တဲ့ စိတ်ဓါတ်
အပြီးအပြတ်ချေမှုန်းခံလိုက်ရသလိုပဲ။
အားတင်းပြီးလူးလဲအထ
ခွေကနဲပြန်အကျမှာ
သိလိုက်ရတာက
ခြေကုန်လက်ပမ်းကျနေခဲ့ပြီလေ။
ဘာပဲဖြစ်ဖြစ်ပေါ့လေ
တမ်းတမက်မောခဲ့ရတဲ့ အောင်မြင်မှုအတွက်
လျော့ရဲရဲဆုပ်ကိုင်ထားရတဲ့ ဂုဏ်သိက္ခာအတွက်
မခံစားနိုင်တဲ့ အရှက်တရားအတွက်
နောက်ဆုံးထွက်သက်အထိ ဆက်တိုက်ပါရစေတော့။ ။ ။
( ပုံကို http://www.diversitystore.com/ မှ ကူးယူဖော်ပြပါသည်။ )

Sunday, December 28, 2008

Crazy Frog

အဟဲ တက်ဂ်ထားတာလည်း ကြာလှပြီ။ ဒီလိုပဲ အပျင်းထူနေတာလည်း ကြာပြီဆိုပါတော့။ အမှန်တော့ အကြွေးတွေ ဆပ်ရမှာ ကြောက်တာလည်း ပါတာပေါ့လေ။ တက်ဂ်ကြွေးတွေက များလွန်းလို့  ဘာတွေမှန်းတောင် မသိတော့ဘူး။ သတိရတဲ့အကြွေးလေး အရင်ဆပ်ထားတာ။ ( တက်ဂ်တယ်လို့  ပြောတည်းက ကြိုပြောထားတယ်နော် လာမယ်ကြာမယ်လို့  ဟီးဟီး။ )

တခြားမဟုတ်ပါဘူး နှစ်သက်မိတဲ့ ကာတွန်းကားလေးဆိုပါတော့။ ဇင်ယော်က တခါတလေ စိတ်လစ်ရင် အင်တာနက်မှာ ကာတွန်းကားတွေ လိုက်ရှာပြီး ကြည့်နေကြဆိုတော့ အလွယ်လေးပါထင်လိုက်တာ။ တကယ်ရေးမယ်လည်းဆိုရော ကိုယ်ကြိုက်တဲ့ ကာတွန်းကားတွေက သူများတွေ အကုန်လုံး ရေးပြီသွားပြီဗျ။ တော်ပါသေးရဲ့ နောက်ဆုံးတစ်ခုတော့ ကျန်နေသေးလို့  ( ရေးပြီးသွားတဲ့သူရှိရင်လည်း တတ်နိုင်တော့ဘူးဗျာ အကြံကကုန်နေပြီ ချက်စရာ ဆားကလည်း သူများတွေ ချက်လွန်းလို့  ဈေးတွေကျကုန်လို့  ချက်တော့ဘူး။ )

ဇင်ယော်လေး ရဲ့ Favourite က Crazy Frog လေ။ အော်ချင်တာအော် လုပ်ချင်တာလုပ် ဇင်ယော်လေးလိုပဲ။ ဟီး ဒါကြောင့် သိပ်ကြိုက်၊ ကဲကြည့်လိုက်ပါဦး။ အရင်ဆုံး ခါတော်မှီလေးနဲ့  စလိုက်ရအောင် ( အမှန်တော့ နောက်ကျနေပြီ ခရစ်စမတ်က လွန်သွားပြီလေ )။ ဒါပေမယ့် ကြည့်လို့ လည်းကောင်း သီချင်းလေးကလည်း မြူးဆိုတော့ ပြန်ပြီး မျှဝေလိုက်ပါတယ်။



DJ Frog လေ။ New Year Count Down မှာ သူက DJ လုပ်မှာ အဟေး အားပေးလိုက်ပါဦး။


သူက ဘောလုံးမှာလည်း ချန်ပီယံဗျ။

Crazy Frog - The funniest home videos are here


ကဲ နောက်ဆုံး ကျနော့်ဇာတ်လိုက် Crazy Frog ပါတဲ့ MTV လေး အားပေးသွားပါဦးဗျာ။


ကဲ တက်ဂ်ထားကြတဲ့ သူတွေကိုတော့ အတိအကျ မမှတ်မိဘူးဗျ။ မှတ်မိသလောက် ခပ်ပိန်းပိန်းကောင်လေးမောင်ဂျဲဂျယ် ( အမှန်တော့ မပိန်းဘူး ပိန်းချင်ယောင်ဆောင်နေတာ နာတိတယ်ကွ :D )၊ နောက်ပြီး ညီမအလွမ်းပြေ ( အမှန်က သူဘလော့ရေးဖို့ မလိုဘူး အက်ရှင်ကားတွေထဲကလို အကြွေးလိုက်တောင်းတဲ့ လူမိုက်လုပ်ရမှာ :P )၊ နောက်တစ်ယောက်ကတော့ ညီမငှက်ပိစိ ( ဟီးသူကတော့ အကြွေးတောင်းမရမှန်းသိတော့ လက်မြှောက်သွားလေရဲ့ ) တို့ ရေ အကြွေးဆပ်လိုက်ပြီနော်။

Wednesday, December 10, 2008

နှလုံးသားရပ်ဝန်းကို အခြေတည်၍

ဘာရယ်တော့မဟုတ်ဘူး။ ကိုယ့်စိတ်ထဲ တစ်ခုခုကို သိနေခဲ့သလိုပဲ။ မသိစိတ်က ပတ်ဝန်း ကျင်မှာ တစိမ်း တစ်ယောက် ရှိနေတယ်တဲ့။ သတိရလို့  ဧည့်ခန်းလေးထဲ လှမ်းကြည့်မိလိုက်တော့ လားလား ဧည့်သည် တစ်ယောက် ရောက်နေပါလား။ သော့ခတ်မထားပဲ စေ့ရုံလေးစေ့ထားတဲ့ တံခါးလေးကို ၀င်ခွင့်မတောင်းပဲ တွန်းဖွင့်လို့  ၀င်လာခဲ့တဲ့ ဧည့်သည် တစ်ယောက်ပေါ့လေ။ ဘယ်အချိန်တည်းက ၀င်လာခဲ့မှန်းတောင် သတိမထားမိလိုက်ပါဘူး။ သိလိုက်တဲ့အချိန်ကျတော့ သူက ဧည့်ခန်းမှာ အခန့် သားထိုင်လို့ ။

သူကကိုယ့်ကို လှမ်းကြည့်ပြီး ပြုံးပြခဲ့တယ်။ သူ ရဲ့အပြုံး အင်း အရှင်းဆုံးပြောရရင် တစ်ခါတွေ.ဖူးရင် နောက်ဘယ်တော့မှ မမေ့ တော့မယ့်အပြုံး။ မဖိတ်ခေါ်ပဲနဲ့  ရောက်လာခဲ့တဲ့ ဧည့်သည်အပြုံးပေါ့လေ။ ဧည့်သည်လက်မခံပါဘူးဆိုပြီး ဆိုင်းဘုတ်ချိတ်ထားကာမှ ရောက်လာပြန်ပါရောလား။ အားနာတတ်တဲ့ ကိုယ့်အတွက်တော့ နှင်ထုတ်ရမှာလည်းခက်၊ အောင့်သက်သက်နဲ့  လက်ခံထားရမှာ လည်းခက် ဘာလုပ်ရမှန်း မသိအောင် ဝေခွဲရခက်လို့ နေလေရဲ့။ ကိုင်းဘယ်လိုလုပ်ရပါ့။ သူကတော့ ပြောရှာတယ် ။ အိမ်ရှင်နဲ့  တည့်အောင်ပေါင်းပြီး ခင်ခင်မင်မင် ပျော်ပျော်ရွှင်ရွှင်နဲ့  အကြာကြီးနေမှာတဲ့။ သူ့ ဆီမှာ မမြင်နိုင်တဲ့ စွမ်းအင်တချို.ရှိထားပုံ ရတယ်။ ကျနော် ဘာပြန်ပြောရမှန်း မသိအောင်ပါပဲ ဆွံ.အနေမိတော့တယ်။ အော် သူ့ နံမည်လား သူ့ ကိုယ်သူ မိတ်ဆက်ပြီး ပြောလိုက်တာက သူ့  ကိုလူအများက အချစ် လို့  ခေါ်ပါတယ်တဲ့။


လက်နဲ့ မရေး
အသက်နဲ့ ရေးသတဲ့ .....
ဆေးနဲ့ မခြယ်
သွေးနဲ့ ခြယ်သတဲ့ ....
ဘယ်တော့ဖြစ်ဖြစ်
ထာဝရသစ်လွင်
"အချစ်" မြင်လား
ပန်းချီကား
နှလုံးသားရဲ့ နံရံမှာ ..... ။
( မောင်စိန်ဝင်း - ပုတီးကုန်း )


အချစ်ဆိုသည်မှာ ဆိုတဲ့ တက်ဂ်ပို့ စ်လေးရေးကာနီး စိတ်ကူးထဲမှာ ပေါ်လာတဲ့ အတွေးစလေးကို အရင်ဆုံး ချရေးကြည့်လိုက်တာပါ။ တချို.တချို.သောသူတွေမှာ အချစ်ဆိုတာကို တကယ်တမ်း သေသေချာချာ မသိလိုက်ပဲ ချစ်မိပြီဆိုမှ အော် ဒါအချစ်ပါလားလို့  ကိုယ်တိုင် သိလိုက်ရတယ်လေ။ ဟိုးနှစ်ပေါင်းများစွာကနေ ခုချိန်ထိ လူတွေက အချစ်ကို အဓိပ္ပါယ်မျိုးစုံ ဖွင့်ဆိုနေကြတုန်းပဲ။ ပြီးပြည့်စုံပြီလား ဆိုတော့လည်း ဟင့်အင်းတဲ့။ ရှုထောင့်မျိုးစုံ နေရာမျိုးစုံကကြည့်ပြီး အမျိုးမျိုး ဖွင့်ဆိုလိုက်ကြတာ 3 ဖြစ်လိုက် က ဖြစ်လိုက် ဖြစ်လိုက် င် ဖြစ်လိုက်နဲ့ ။

ဆော့ပ်ဟိုဆဲလ် က လူသားတွေအတွက် ဘ၀ရဲ့ နာကျင်မှုနဲ့ ပင်ပန်းမှုတွေကို ဖြေဖျောက်နိုင်စရာ စကားလုံးတစ်ခုရှိတယ်တဲ့ အဲဒါ အချစ် ပဲတဲ့။ ဒေါ်ရော်သီပါကားဆိုသူကတော့ အချစ်ဆိုတာ လက်ဖ၀ါးပေါ် တင်ထားတဲ့ ပြဒါး လိုပဲတဲ့။ လက်ဖ၀ါးကို အသာလေးဖွင့်ပြီး ဒီအတိုင်း ထားရင် လက်ထဲမှာ ရှိနေပေမယ့် သေသေချာချာ ဆုပ်ကိုင်ဖို့ ကြိုးစားရင်တော့ လက်ချောင်းတွေကြားကနေ ယိုစိမ့်ပြီး ပျောက်ကွယ် သွားလိမ့်မယ်တဲ့။

ဇင်ယော်လေးရဲ့ အမြင်လား ကိုယ်တိုင်လည်း သေသေချာချာတော့ အဓိပ္ပါယ် မဖွင့်ဆိုတတ်ပါဘူး။ အချစ်ဆိုတာ အချစ်ပဲပေါ့။ အချစ်ဆိုတာ ဘာလဲလို့  သိပြီးမှ အချစ်ကို ကြုံကြတာ မဟုတ်ပါဘူး။ အချစ်ကို ကြုံခဲ့ရပြီးမှ အချစ်ဆိုတာကို သိမြင်လာခဲ့ကြတာပါ။ ဇင်ယော်လေးရဲ့ တစ်ပုဒ်တည်းသော ၀တ္တုလေး ( အမြဲထာဝရ ရှိနေမယ့် အိမ်ကလေး ) မှာတော့ ရေးခဲ့ဖူးပါတယ်။ "အချစ်ဆိုတာ တခါတလေတော့ လည်း ရယူ ပိုင်ဆိုင်ခြင်းမဟုတ်သလို ပေးဆပ်ခြင်းလည်း မမည်ခဲ့ ပါဘူး။ ချစ်သူ သိသိမသိသိ သူ့ ဆန္ဒလေးတွေကို
တိတ်တိတ်လေး အတတ်နိုင်ဆုံးဖြည့်ဆည်းရင်း ကျေနပ်နှစ်သိမ့် နေခြင်းကလည်း ချစ်ခြင်းတစ်မျိုးရယ်ပါ
"
။ ဆရာမ ဂျူးရဲ့ ဆောင်းပါးမှာ ရေးထားတာလေး ဖတ်ဖူးတယ်။ "အချစ်ကို ဘယ်လိုသိနိုင်မလဲ။ ဒီမေးခွန်းရဲ့အဖြေက မေးသူထံမှာပဲ ရှိပါတယ်။ အချစ်ကိုသိချင်ရင် အချစ်ကို ကြုံတွေ.တဲ့အခါမှာ စိတ်ပါလက်ပါနဲ့  ခြေစုံပစ်ဝင်လိုက်ရုံပါပဲတဲ့။ ဒါကြောင့်လည်း အင်္ဂလိပ်၊ အမေရိကန် စကားမှာ falling in love လို့ သုံးကြတာ ဖြစ်ပါလိမ့်မယ်။ ဒါမှလည်း အချစ်ကို ထဲထဲဝင်ဝင် သိနိုင်မှာပေါ့လေ" ။

အချစ်မှာ Impersonal love လို့ ခေါ်တဲ့ ပုဂ္ဂိုလ်စွဲမရှိတဲ့ အချစ်နဲ့  Interpersonal love လို့ ခေါ်တဲ့ လူသားအချင်းချင်း ချစ်တဲ့ အချစ်ဆိုပြီး နှစ်မျိုးရှိပါတယ်။ Impersonal love က ဥပမာပေးရရင် တိုင်းပြည်ကို ချစ်တာ၊ စာပေယဉ်ကျေးမှုကိုချစ်တာ၊ ရည်မှန်းချက်ကိုချစ်တာ နောက်တစ်မျိုးပြောရရင် မြတ်မြတ်နိုးနိုး တန်ဖိုးထားပြီး စိတ်ထဲက စူးစူးနစ်နစ် ယုံကြည်သက်ဝင်တဲ့ အရာတွေကို ချစ်တာကို Impersonal love လို့  ခေါ်တဲ့ ပုဂ္ဂိုလ်စွဲမရှိတဲ့ အချစ်နဲ့ တင်စားကြတာပဲ။ ဒါ့အပြင် လူတွေက အရာဝတ္တုတွေ၊ တိရိစ္ဆာန်တွေ၊ ပြုမူလှုပ်ရှားမှု တွေရဲ့ သံယောဇဉ်တွေထဲမှာ ကိုယ့်ကိုကိုယ် မြှုတ်နှံထားလိုက်ပြီဆိုရင် အဲဒါတွေကို ချစ်တာလည်း Impersonal love ပါပဲတဲ့။ Interpersonal love လို့ ခေါ်တဲ့ လူသားအချင်းချင်း ချစ်တဲ့ အချစ်ကတော့ ရှင်းရှင်းလေးပါ။ လူသားတစ်ဦးနဲ့ တစ်ဦးကြားမှာ သာမန်ရှိတဲ့ ဆက်နွယ်မှုတဲ့ ပိုပြီးအင်အားကြီးတဲ့ တန်ခိုးသြဇာ ရှိတဲ့ ဆက်နွယ်ပတ်သက်မှုမျိုးပါ။ မိဘသားချင်း ညီအစ်ကိုမောင်နှမ အချင်းချင်း၊ မိတ်ဆွေသူငယ်ချင်း အချင်းချင်း၊ ချစ်သူမောင်မယ်တွေ အချင်းချင်း ချစ်တဲ့ အချစ်မျိုးပေါ့လေ။

တကယ်တမ်းပြောရရင် အပင်မှန်ရင် အမြစ်နဲ့ မကင်းသလို လူမှန်ရင်လည်း အချစ်နဲ့ မကင်းကြပါဘူး။ တခြား မကြည့်ပါနဲ့  မွေးကင်းစ ကလေးငယ်ဘ၀မှာကိုက အချစ်နဲ့ စတင်ဆုံတွေ.ခဲ့ကြရတာပါ။ မွေးကင်းစကလေးငယ် တစ်ယောက်ဟာ မိခင်ရဲ့ရင်ခွင်ထဲမှာပဲ အချစ်ကို ရှင်းရှင်းပြောရရင် မိခင်ဖခင်တို့ ရဲ့ အချစ်ကိုစပြီး လေ့လာ သင်ယူခဲ့ကြတာပါ။ မိခင်ရဲ့အချစ်က ကလေးကို နွေးထွေးလုံခြုံစေခဲ့သလို ဖခင်ရဲ့အချစ်ကလည်း လောကထဲကို ၀င်ရောက်ကြီးပြင်းရှင်သန်တတ်ဖို့  သင်ကြားပေးခဲ့ပါတယ်။

ဒါ့အပြင် ကမ္ဘာပေါ်မှာ အချစ်ကို နောက်ထပ် အမျိုးအစားတွေ အများကြီး ခွဲခြားထားပါသေးတယ်။ ဆရာမ ဂျူးရဲ့ ဆောင်းပါးထဲမှာ ဖော်ပြထားတာပဲကို ပြန်ပြီး ညွှန်းဆိုပြရရင်
- မြန်မာဗုဒ္ဓဘာသာအဆိုအရ ၅၂၈ဆိုတဲ့မေတ္တာဘက်နွယ်တဲ့အချစ်၊ ၁၅၀၀ဆိုတဲ့ ကိလေသာဘက်နွယ်တဲ့အချစ်။
- Motherly Love / Tender Love လို့ ခေါ်တဲ့ မိခင်မေတ္တာနဲ့ တူသောအချစ်၊ ကြင်နာသော အချစ်။
- Self - Love လို့ ခေါ်တဲ့ ကိုယ့်ကိုကိုယ် ချစ်တဲ့အချစ်။
- Love of Life လို့ ခေါ်တဲ့ ဘ၀ကို ချစ်သောအချစ်။
- Love of God လို့ ခေါ်တဲ့ ဘုရားသခင်ကို ကြည်ညိုလေးစားမြတ်နိုးသောအချစ်။
- Brotherly Love လို့ ခေါ်တဲ့ ညီအစ်ကိုစိတ်၊ရဲဘော်ရဲဘက်စိတ်ဖြင့် ချစ်သောအချစ်။
- Passionate Love လို့ ခေါ်တဲ့ ကိလေသာအချစ် သို့ မဟုတ် ပေါင်းစပ်သောအချစ်။ ကိလေသာလို့  ဆိုလိုက် တော့ ညစ်ညမ်းတဲ့ လိင်ကိစ္စနဲ့ ရောထွေးစဉ်းစားမိမှာကိုတော့ စိုးရိမ်စရာ ရှိပါတယ်။ ကိလေသာ ဆယ်ပါးနဲ့ မလွတ်ကင်းတဲ့ အချစ်မှန်ပေမယ့် သိမ်မွေ. နူးညံ့လှတဲ့အချစ်ပါပဲလေ။ ဆန့် ကျင်လက်လိင်(opposite sex)ကို ချစ်မိတဲ့ သဘာဝတွေအကြောင်းပေါ့။ အဲဒီအချစ်မှာမှ
- Love at first sight လို့ ခေါ်တဲ့ မြင်မြင်ချင်း ချစ်မိတဲ့အချစ်။
- အုံ့ ပုန်းအချစ်။
- Jealous Love လို့ ခေါ်တဲ့ မနာလိုတဲ့အချစ်
- Anguish Love လို့ ခေါ်တဲ့ သောကအချစ်
စသဖြင့် အမျိုးမျိုးပေါ့လေ။ အသေးစိတ် သိချင်ရင်ဖြင့် ဆရာမဂျူးရဲ့ "လကိုဖမ်းဖို့့ပိုက်ကွန် ရက်ရအောင်"ဆောင်းပါးကိုသာ ရှာဖတ်ကြပေတော့။

အချစ်ကို သေသေချာချာ အဓိပ္ပါယ် မဖွင့်တတ်ပေမယ့် အချစ်မှာ ထူးခြားတဲ့ စွမ်းအင်တွေရှိမှန်းတော့ သတိထားမိပါတယ်။ သူ့ မှာ အပြုသဘောဆောင်တဲ့ စွမ်းအင်တွေ ရှိသလို မသုံးတတ်ရင် အဖျက်သဘော ဘက်ရောက်သွားတတ်တဲ့ စွမ်းအင်တွေလည်း ရှိပါတယ်။ သုံးတတ်ရင်ဆေး မသုံးတတ်ရင်တော့ ဘေးဖြစ်စေ မယ်လေ။ စဉ်းစားကြည့်ပါလေ တစ်စုံတစ်ယောက်ကို ချစ်မြတ်နိုးရတဲ့အရသာဟာ လောကကြီးမှာ နှစ်သက် ကြည်နူးတိမ်းမူးစရာ ကောင်းတဲ့အရသာတစ်ခုပါပဲ။ ချစ်မြတ်နိုးစိတ်နဲ့  လှမ်းကြည့်လိုက်စမ်းပါ။ မိုးပေါ်ကို
မော့ကြည့်လိုက်ရင် ပြာလဲ့လဲ့ကောင်းကင်ကြီးက တိမ်စတွေနဲ့  လွင့်မြောလှပနေလိုက်တာ၊ မြေပြင်ပေါ် လှမ်းကြည့်လိုက်တော့ မြက်ခင်း စိမ်းစိမ်းပေါ်မှာ ပန်းတွေက ရောင်စုံဖူးပွင့်လို့  လေပြည်အဝေ့မှာ အလှချင်း ပြိုင်နေကြလေရဲ့။ တိရိစ္ဆာန်လေးတွေက တစ်ကောင်နဲ့  တစ်ကောင် စနောက်ရင်းဆော့ကစားလို့  ငှက်ကလေး တွေကလည်း လေထဲမှာ ၀ဲပျံရင်း ကကြိုးအသစ်ကို လှလှပပ ကပြအသုံး တော်ခံနေကြသလိုပါပဲ။ ကြည့်လိုက် မိသမျှ တောင်တန်းနဲ့ တောအုပ်တွေ၊ ပင်လယ်သမုဒ္ဒရာတွေ၊ လူတွေ သက်ရှိသက်မဲ့ အရာအားလုံးက လှပနေလေတော့ ဒါဟာလည်း သူ့ ရဲ့စွမ်းအင်တစ်ခုပါလားလို့  သိသိသာသာကို လက်ခံထားမိတာလေ။ ဒီလို အစစ အရာရာ လှပသာယာတာပဲ တွေ.မြင်ခံစားမိနေတဲ့ လူတစ်ယောက်မှာ အကောင်းမြင်စိတ်လေးတော့ ရှိမှာပါပဲ။ ဒီအကောင်းမြင်စိတ်လေး အခြေခံထားပြီး သူပြုမူပြောဆိုဆောင်ရွက်သမျှ အရာအားလုံးဟာ ၁၀၀% မဟုတ်တောင်မှ % တစ်ခုခုတော့ အကောင်းဘက်မှာ ရှိမှာသေချာသလို၊ သူလုပ်သမျှတွေကလည်း အပြု သဘောဆောင်တဲ့ ဆောင်ရွက်ချက်တွေ ဖြစ်ဖို့ များပါတယ်။

အဲ အချစ်ရဲ့ဘေးထွက်ဆိုးကြိုးတွေလား။ အများကြီးပါပဲ။ အချစ်ကြောင့် ဘ၀ပျက်သွားရသူတွေ အများကြီး ရှိသလို ရည်မှန်းချက် ပန်းတိုင်တွေ၊ မျှော်လင့်ချက် လှေကားထစ်တွေ တစစီကြေမွပြိုပျက်သွားရသူတွေက ဒုနဲ့  ဒေးလေ။ အင်္ဂလန်ဘုရင် အက်ဒွတ်(၈) ဆိုရင် အမေရိကန်သူ မစ္စက်ဆင်မဆင်ကို စွဲစွဲလန်းလန်း ချစ်ခဲ့မိလို့  ထီးနန်းကို စွန့် ခဲ့ရဖူးပါတယ်။ ဂရိမင်းသမီး ဟယ်လင်ကို စူးစူနစ်နစ် ချစ်ခဲ့မိကြလို့  ကမ္ဘာကျော်ထရိုဂျန်စစ်ပွဲကြီး ဖြစ်ပွားခဲ့တာ ဘယ်သူငြင်းနိုင်မှာလဲ။ ကျန်စစ်သားဟာ မချစ်သင့်ခဲ့တဲ့ ဥသာမင်းသမီးခင်ဦးကို သွားချစ်မိခဲ့လို့  အနော်ရထာမင်းကြီးရဲ့ ရာဇမာန်ရှတာ ခံရပြီး တနယ်တကျေးကို ပြေးလွှားခိုလှုံခဲ့ရဖူးပါတယ်။ အဲဒါတွေအားလုံး ဟာလည်း အချစ်ကြောင့်ဖြစ်ခဲ့ရတာပါဆိုရင် ဘယ်သူငြင်းဦးမှာလဲ။

ဒီလိုဆို အချစ်ဆိုတာ နေရာတိုင်းမှာ လိုအပ်ပါရဲ့လား။ သေချာတာ တစ်ခုကတော့ ထမင်းနပ်မှန်ဖို့ အတွက် အချစ်မလိုပါဘူး။ ၀ယ်စားနိုင်ဖို့  ပိုက်ဆံပဲလိုအပ်တာပါ။ အလင်းရောင်ရဖို့  အချစ်လိုအပ်ပါသလား။ ကျောခင်းစရာ တစ်နေရာရဖို့  အချစ်လိုအပ်ပါသား။ လျှပ်စစ်စွမ်းအင် တွေအတွက်ရော အချစ်လိုအပ်ပါသလား။ မကျန်းမာလို့  ဆေးကုသဖို့ ရော အချစ်လိုအပ်ပါသလား။ သောမတ်စ်အက်ဒီဆင်က လျှပ်စစ်ကို တီထွင်ခဲ့တာ အချစ်အတွက်လား။ ဂရေဟမ်ဘဲလ်က တယ်လီဖုန်းဆိုတာ အချစ်အတွက်သီးသန့် ဆိုပြီး မတီထွင်ခဲ့တာတော့ သေချာတယ်။ အလောင်းမင်းတရားက အချစ်အတွက် မြန်မာနိုင်ငံကို စုစည်းတည်ထောင်ခဲ့တာ မဟုတ်ပါဘူး။ အမေရိကန်သမ္မတ လင်ကွန်းက အချစ်အတွက် ပြည်တွင်းစစ်ကို အဆုံးသတ်စေခဲ့တာ မဟုတ်ပါဘူး။

ဒါဆိုရင် လူတွေက အချစ်ကို ဘာ့ကြောင့် တန်ဖိုးထားမြတ်နိုးနေကြတာလဲ။ ဘာ့ကြောင့် ရေးကြီးခွင်ကျယ် တခမ်းတနား ဖွဲ.နွဲ.ညွှန်းဆို နေရတာလဲ။ တကယ်တော့ "အချစ်ဆိုတာ လူတွေကို ယဉ်ကျေးသိမ်မွေ.အောင် ပြုပြင်ပေးနေတဲ့ မမြင်နိုင်တဲ့ စွမ်းအင်တစ်ခုပါ" လို့  ဆရာမဂျူးက ဆိုထားပါတယ်။ ဆက်ပြီးပြောရရင် "အချစ်ရဲ့ အသုံးဝင်ပုံတွေဟာ ရုပ်ဝတ္တုပစ္စည်း အသုံးဝင်ပုံတွေလို ရုတ်တရက် မြင်သာထင်သာတာမျိုး မဟုတ်ပါဘူးတဲ့။ အချစ်ရဲ့စွမ်းအင်ဟာ အလွန်နက်နဲသိမ်မွေ.စွာ အရေးပါနေပါတယ်တဲ့။ ဒါ့ကြောင့်လည်း သုံးမိသူဟာ သုံးမှန်း မသိဖြစ်ရ၊ အကျိုးပြုခံရသူကလည်း အကျိုးပြုခံရမှန်းမသိ ဖြစ်နေတတ်ပါတယ်" တဲ့။

ဇင်ယော်လေးအမြင်ပြောရရင် အချစ်ဆိုတာ သေသေချာချာ တိတိကျကျ သိစရာ မလိုအပ်ပါဘူး။ ချစ်ချင် စိတ်ရှိဖို့ နဲ့  ချစ်တတ်ဖို့ ပဲ လိုအပ်တာပါ။ အချစ်အကြောင်းသိချင်ရင် အချစ်နဲ့ တွေ.တဲ့အခါကျတော့ ခြေစုံပစ်ပြီးဝင်လိုက်ပေတော့။ အတိအကျမဟုတ်တောင် အချစ်နဲ့  ပတ်သက်တဲ့ ဒသနတစ်ခုတော့ ကိုယ်တိုင်ကောက်ချက် ဆွဲပြီး ရေးဖွဲ.လာတတ်လိမ့်မယ်။ ဒီနေ့ ကမ္ဘာလောကကြီးကို ကြည့်လိုက်စမ်းပါ။ စစ်ပွဲတွေ၊ အကြမ်းဖက်မှုတွေ၊ ဆန္ဒပြမှုတွေ၊ လူမျိုးရေး မျိုးဖြုတ်သတ်ဖြတ်မှုတွေ၊ သဘာဝကပ်ဘေးအန္တရာယ်တွေ၊ ငတ်မွတ် ခေါင်းပါးမှုတွေ၊ ...... နေရာတကာမှာ စိတ်ဆင်းရဲစရာတွေက ပိုပြီးများပြားလာသလိုပဲ။ ဒီလိုအချိန်မှာ စွမ်းအင်ကြီးမားလှတဲ့ အချစ်ဆိုတာကို ကောင်းကောင်းအသုံးချတတ်ဖို့  လိုအပ်ပါလိမ့်မယ်။

ဟိုမှာကြည့်လိုက်စမ်းပါ မိဘမဲ့ကလေးငယ်တွေက ရင်ထဲက တောင့်တနေတဲ့ အရာတစ်ခု.....အချစ်တဲ့။ ခိုကိုးရာမဲ့ဖြစ်နေတဲ့ သက်ကြီးရွယ်အိုတွေအတွက် အချစ်ဆိုတာ နွေးထွေးတဲ့ အားကိုးရာတစ်ခုတဲ့။ သဘာဝဘေးဒုက္ခနဲ့ ရင်ဆိုင်ခဲ့ရတဲ့ ပြည်သူတွေအတွက် အချစ်နဲ့ ကမ်းတဲ့ လက်တစ်စုံဟာ သဲကန္တာရထဲက အိုအေစစ်လေးတစ်ခုဆိုရင် မမှားလောက်ပါဘူး။ အငတ်ဘေးနဲ့ ရင်ဆိုင်နေရသူ တွေအတွက် အချစ်နဲ့  ထုပ်ပိုးထားတဲ့ စားနပ်ရိက္ခာထုပ်တွေ ကမ္ဘာပေါ်မှာ အရေးတကြီးလိုအပ်နေပါတယ်။ စစ်မျက်နှာနှစ်ဘက်မှာ ထိပ်တိုက်ရင်ဆိုင်နေတဲ့ သေနတ်ပြောင်းဝတွေအတွက် အချစ်ကို ငြိမ်းချမ်းရေး ဂျိုးဖြူစေတမန်အဖြစ် စေလွှတ်ကြရအောင်။ လူမျိုးရေးအဓိကရုဏ်းတွေ၊ ဆန့် ကျင်ဆန္ဒပြမှုတွေအတွက် အချစ်နဲ့ ငြိမ်းချမ်းတဲ့ အဖြေကိုရှာဖွေကြည့်ကြရအောင်။

ကဲ မိတ်ဆွေ ..... တွေဝေငေးမော စဉ်းစားမနေနဲ့ ။ နှလုံးသားရပ်ဝန်းကို အခြေတည်လို့  အချစ်ပင်တွေပျိုး အချစ်မိုးတွေရွာပြီး ငြိမ်းချမ်း သာယာတဲ့ ကမ္ဘာသစ်တစ်ခုကို အချစ်တွေနဲ့  အားလုံးဝိုင်းဝန်း တည်ဆောက်ကြရအောင် ။ ။ ။ ။

( ကဲ ကိုကြီးအောင်သာငယ် နဲ့  တူမတော် Dream တို့ ရေ ..... နောက်အကျဆုံး တက်ဂ်ကြွေးလေးကို မျက်နှာပူပူနဲ့  ပြန်ဆပ်လိုက်တာပါ။ အရမ်းကို ကြာသွားတဲ့အတွက် တောင်းပန်တဲ့အနေနဲ့  ရင်ထဲက ဆန္ဒတွေကိုပါ ထည့်သွင်းလို့  ပို့ စ်အရှည်ကြီး ရေးတင်လိုက်ပြီဗျာ။ ကျေနပ်နိုင်ကြပါစေလို့  ........................ ခင်မင်လေးစားလျှက် ဇင်ယော် )

Sunday, December 7, 2008

..................................

အဟဲ ညီအစ်ကိုမောင်နှစ်မတွေအားလုံး မင်္ဂလာပါဗျာ။ မောင်ဇင်ယော်တစ်ယောက် ခွင့်တိုင်ပြီး လစ်သွားတာ ပေါ်မလာ ဇာတ်ကားရိုက်နေတယ်လို့  ထင်နေတော့မှာပဲ။ အဟီး တချို.ကလည်း ကောလဟာလ သတင်းတွေကြားပြီး ဇင်ယော်တစ်ယောက် ဟောလီးဝုဒ်က သတင်းကြီးတဲ့မင်းသမီးလေးနဲ့  စုံတွဲခုတ်ပြီး မီယာမီကမ်းခြေမှာ အပန်းဖြေနေတယ်တဲ့။ ဟေဟေ. အမှန်ကတော့ ရုံးက သင်တန်းတစ်ခု အရေးပေါ်တက်ခိုင်းလို့  အပြေးအလွှား သွားတက်ရတာပါ။ သင်တန်းလည်းပြီးရော မပြန်ခိုင်းသေးပဲ လေ့လာရေးခရီး ထပ်လိုက်သွားရလို့  ခုလို ဇင်ယော်တစ်ယောက် ပျောက်ချက်သားကောင်းနေရတာပါ။ အီး ရွှတ် ခု ပြန်ရောက်လို့ မှ မနားရသေး နှုတ်ဖြေစာမေးပွဲဖြေဖို့  ရက်ချိန်းစာရွက်က စာတိုက်ပုံးထဲမှာ အခန့် သား ပြုံးဖြဲဖြဲနဲ့  မောင်ဇင်ယော်ကို ဆီးလို့ ကြိုနေတော့တာပဲ။ တေချင်တယ် တကယ်ပဲ။ ခုလာမယ့် ၂၆တဲ့။ တေပါပြီ။ ခုမှ ကြုံးရုန်းပြီး စာဖတ်ရတော့မှာပဲ။ သူများတွေ ခရစ်စမတ် ပျော်နေချိန်မှာ မောင်ဇင်ယော်တစ်ယောက်ကတော့ စာအုပ်တွေနဲ့  နပန်းလုံးနေရတော့မှာပဲ။ အိမ်တွေလည်း နောက်နေ့ မှ အေးအေးဆေးဆေး လိုက်လည်တော့မယ်ဗျာ။ တက်ဂ်ကြွေးတွေကတော့ အေးဆေးပေါ့နော်။ အကြွေးနဲ့ မကင်းတဲ့ လောကကြီးမှာ ဇင်ယော်လည်း လူရာဝင်အောင် အကြွေးထားလိုက်တာ။ အဟဲ နောက်ပြီး ဇင်ယော်က ဦးနှောက်သိပ်မကောင်းဘူးဗျ။ မေ့တတ်တယ် အဟဲ ကိုယ်ကပေးရမယ့် အကြွေးဆို သာဆိုးသေး။ ဒါကြောင့် မောင်ဇင်ယော် လောလောဆယ် စိတ်ရှိလက်ရှိ အနားယူပါဦးမယ်။ အဆင်ပြေရင် တက်ကြွေးတွေ ဆပ်မှာပါ။ တော်ကြာ ကြွေးရှင်တွေ ဆိပ်ကမ်းလေးရှေ.မှာ လာတန်းစီပြီး စောင့်နေမှ ဒုက္ခ။ ဟီးဟီး ပုဆိုးခေါင်းမြီးခြုံပြီး လုံအောင်ပုန်းနေတော့မယ် ဟေဟေ.။